Azərbaycan Milli Elmlər Akademiyası
Fizika İnstitutu

Akademik Roald Saqdeyev AMEA Fizika İnstitutunda qonaq olub

12 February 2018

Akademik Roald Saqdeyev AMEA Fizika İnstitutunda qonaq olub

Noyabrın 1-də Azərbaycan Milli Elmlər Akademiyası (AMEA)  Fizika İnstitutunda SSRİ Elmlər Akademiyası və Rusiya Elmlər Akademiyasının akademiki, Lenin mükafatı laureatı, ABŞ-ın Merilend Universitetinin professoru  Roald Saqdeyevlə görüş keçirilib. Tədbirdə AMEA-nın prezidenti, akademik Akif Əlizadə, vitse-prezident İbrahim Quliyev, Xarici işlər nazirinin müavini, Azərbaycan Diplomatik Akademiyasının rektoru, Hafiz Paşayev iştirak ediblər. Görüşü giriş sözü ilə Fizika-Riyaziyyat və Texnika Elmləri Bölməsinin akademik katibi, Fizika İnstitutunun direktoru akademik Nazim Məmmədov açıb. O qeyd edib ki, görkəmli akademik R.Saqdeyev bütün dünyada tanınır və fizika elminə, xüsusən kosmik fizika sahəsinə böyük töhfələr verib. Daha sonra söz akademik Akif Əlizadəyə verilib. O, bütün AMEA əməkdaşları adından akademiki salamlayıb. Qeyd edib ki, Azərbaycan elmində həmişə flaqman olan Fizika İnstitutunda Roald Saqdeyivlə görüşün baş tutması sevindirici haldır. Akademikin  yubileyi ərəfəsində İnstitutda belə bir görüşün keçirilməsinin təsadüfi olmadığını vurğulayan A.Əlizadə müasir dövrümüzdə də R.Saqdeyevin kəşflərinin tətbiq olunduğunu və gənc nəsil tərəfindən öyrənildiyini bildirib. Tədbir akademik R.Saqdeyevin məruzəsi ilə davam edib. O, çıxışında elmi fəaliyyətinin bugünə qədərki formalaşma mərhələlərindən danışıb və  müəllimi olmuş L.Landau, V.Ginzburq haqqında xatirələrini bölüşüb. Çıxışının sonunda R.Saqdeyev əməkdaşlarının suallarını cavablandırıb. Daha sonra akademik İnstitutda yaradılmış şəraitlə tanış olmaq istədiyini vurğulayıb. Noyabr 8-də R.Saqdeyev yenidən Fizika İnstitutunda qonaq olub. O, İnnovasiya sektorunda quraşdırılan  maddi-texniki baza ilə tanış olub. Vurğulayıb  ki,  Fizika İnstitutu  ən müasir cihazlarla təchiz olunub və burada alimlərin elmi tədqiqat işləri aparması üçün yaradılmış şərait təqdirəlayiqdir.

AKADEMİK ARİF HƏŞİMOVUN 70 İLLİK YUBİLEYİ QEYD OLUNUB

14 November 2019
AKADEMİK ARİF HƏŞİMOVUN 70 İLLİK YUBİLEYİ QEYD OLUNUB
14 November 2019

Azərbaycan Milli Elmlər Akademiyası (AMEA) Fizika İnstitutunda akademik Arif Həşimovun 70 illik yubileyinə həsr olunmuş elmi sessiya keçirilib...                              Показать

Hörmətli həmkarlar, müəlliflər və oxucular

2 October 2019
Hörmətli həmkarlar, müəlliflər və oxucular
2 October 2019

"AJP Fizika" jurnalının 2019 ilin üçüncü nömrəsi çap versiyası nəşr olunmuşdur. AJP Fizika Seriya En jurnallarının tam mündəricatlarını WIX.com saytının köməyilə yaradılmış AJP Fizika jurnalının saytında tapa bilərsiniz. Ünvan: https://jophphysics.wixsite.com/ajpphysics                                            Показать

FRANSALI ALİMLƏR FİZİKA İNSTİTUTUNDA MƏRUZƏ İLƏ ÇIXIŞ EDİBLƏR

2 October 2019
FRANSALI ALİMLƏR FİZİKA İNSTİTUTUNDA MƏRUZƏ İLƏ ÇIXIŞ EDİBLƏR
2 October 2019

17 sentyabr 2019-cu il tarixində Azərbaycan Milli Elmlər Akademiyası (AMEA) Fizika İnstitutunda Fransanın Monpelye Universitetinin alimlərinin - Pr.Dr. Hab. Francois Henn və Dr. Adrien Noury - iştirakı ilə elmi seminar keçirilmişdir...                                           Показать