Azərbaycan Milli Elmlər Akademiyası
Fizika İnstitutu

FİZİKA İNSTİTUTUNDA QADINLAR ŞURASI TƏSİS EDİLİB

22 June 2018

FİZİKA İNSTİTUTUNDA QADINLAR ŞURASI TƏSİS EDİLİB

Azərbaycan Milli Elmlər Akademiyası Fizika İnstitutunda Qadınlar Şurasının təsis yığıncağı keçirilib. İclasda yeni yaradılmış AMEA Qadınlar Şurasının sədri, fəlsəfə üzrə elmlər doktoru Rəna Mirzəzadə, fəlsəfə elmləri doktoru Ziba Ağayeva və fəlsəfə üzrə fəlsəfə doktoru Samirə Kadiyeva iştirak ediblər. Tədbiri giriş sözü ilə İnstitutun elmi işlər üzrə direktor müavini, akademik Cavad Abdinov açıb. O, ilk olaraq yeni təsis edilmiş Şuraya gələcək fəaliyyətində uğurlar arzulayıb. Bildirib ki, iclasda məqsəd Fizika İnstitutunda Qadınlar Şurasını təsis etmək və sədri seçməkdir. İnstitutun Qadınlar Şurasına sədrlik üçün AMEA-nın müxbir üzvü, laboratoriya müdiri Səlimə Mehdiyevanın namizədliyi irəli sürülüb. C. Abdinov                          S. Mediyevanın elmi fəaliyyətindən bəhs edib. Bildirib ki, o uzun müddət Fizika İnstitutunda elmi işlər üzrə direktor müavini və elmi katib, laboratoriya vəzifələrində çalışıb. O, S. Mehdiyevanın fizika-riyaziyyat və texnika elmləri bölməsində AMEA-nın ilk fizik qadın müxbir üzvü olduğunu vurğulayıb. İnstitutun Həmkarlar İttifaqı Komitəsinin sədri, fizika üzrə fəlsəfə doktoru Sitarə Bağırova, laboratoriya müdiri fizika üzrə elmlər doktoru, professor Elmira Kərimova Səlimə Mehdiyeva haqqında düşüncələrini bölüşüblər və S.Mehdiyevanın namizədliyini dəstəklədiklərini vurğulayıblar. Təklif səsə qoyulub və yekdilliklə qəbul olunub. Daha sonra Şuraya 13 nəfərdən ibarət işçi qrup seçilib. İclasda çıxış edən professor Rəna Mirzəzadə AMEA Qadınlar Şurasının digər qeyri-hökümət təşkilatlarından fərqli bir qurum olduğunu vurğulayıb. O, Şuranın elmi-metodiki problemlərin həllinə yönələn məsələlərin həlli məqsədi ilə olunduğunu bildirib. R. Mirzəzadə Qadınlar Şurasının institutlarda fəaliyyət göstərən Yeni Azərbaycan Partiyasının özəkləri, Həmkarlar İttifaqı komitələri, Gənc Alim və Mütəxəssislər şuraları ilə qarşılıqlı fəaliyyət göstərəcəyini qeyd edib. Səlimə Mehdiyeva çıxış edərək kollektivə ona göstərilən etimada görə minnətdarlığını bildirib.

UFAZ-ın NÜMAYƏNDƏLƏRİ FİZİKA İNSTİTUTUNDA QONAQ OLUBLAR

17 March 2020
UFAZ-ın NÜMAYƏNDƏLƏRİ FİZİKA İNSTİTUTUNDA QONAQ OLUBLAR
17 March 2020

Fransanın Strasburq Universitetinin professoru Filip Turek, Azərbaycan-Fransız Universitetinin (UFAZ) fizika müəllimi Robin Merin...

FİZİKA İNSTİTUTUNUN DİREKTORU MEDALLA TƏLTİF OLUNUB

17 March 2020
FİZİKA İNSTİTUTUNUN DİREKTORU MEDALLA TƏLTİF OLUNUB
17 March 2020

AMEA Rəyasət Heyətinin prezidenti, akademik Ramiz Mehdiyev AMEA Rəyasət Heyətinin 7 fevral 2020-ci il tarixində keçirdiyi iclasda...